सुनापतिमा बँदेल, दुम्सी र कागले मकै खाएर नोक्सान गर्न थालेपछि रात, दिन जाग्राम बस्दै किसान

रामेछाप । सुनापति गाउँपालिकाभित्र जङ्ली जनावर बँदेल, दुम्सी र कागले मकै खाएर नोक्सान गर्न थालेपछि किसान चिन्तित बन्न थालेका छन् । अब केही समयमा थन्क्याउने बेला भएको मकैबाली दिउँसो बाँदर र कागले खाने रातिका समयमा  दुम्सीले खाएपछि उनीहरु समस्यामा परेका  हुन् । यहाँका लेखाली भेग देखि बेसी सम्मका क्षेत्रमा जङ्ली जनावरले बालीनाली खाएर नोक्सान गर्न थालेको किसान बताउँछन् ।

दिउसोको समयमा बाँदर, काग धपाए पनि राति आउने बँदेल र दुम्सीले गर्दा किसानलाई राति निन्द्रा लग्ना छोडिएको स्थानीयवासीले बताउनुभयो । उहाँले भन्नुभयो, “दिँउसो काग, बाँदरको हुलकाहुल बनाएर आउँछन्, धपाउँदा पनि भाग्दैनन जसोतसो सबै मिलेर त धपाउने गरेका छौँ, राति आउने जङ्गली जनावर नआओस् भनेर हामीले पुरानो लत्ता कपडा जम्मा गरेर मान्छेको जस्तो प्रतिमा बनाएपनि बाली खाएर निकै दुःख दिएको छ, हामी त निकै हैरानी भइसक्यौँ ।”